Ottobre 2017
1 2 3 4 5 6
7 8 9 10 11 12
13 14 15 16 17 18
19 20 21 22 23 24
25 26 27 28 29 30
31      

Testo italiano English Text

Barche Venessiane e Lagunari

INDICE
Venessia ObServer: Efeti del Trafico de Navi Grande sul Porto Storico de Venessia
Modelo de Bucintoro Modelo de Bucintoro, Prova Modelo de Bucintoro, Pope Modelo de Bucintoro
Modelo costruio da Imperio Beraldo, http://www.navievelieri.net, cm. 116 x 25 x 28
El Bucintoro

Sé posibie che el nome Bucintoro deriva da queo de una barca lagunar da trasporto semplice e granda, el Burcio che, sontuosamente trasformà in nave de rapresentansa co sculture, doradure e intagi, deventava burcio in oro e da qua Bucintoro. No sé però escluso che sto nome, nea so forma arcaica Bucentaurus gabia anca risonanse mitologiche, astrologiche e magiche: Boukentauros (grosso centauro) gera defati secondo Virgilio el nome de uno dei vascei de Enea e par che su la pope dei primi Bucintoro venessiani ghe fusse proprio na figura de centauro.

La necesità de na imbarcassion sontuosa come el Bucintoro, par trasportar el Dose, se pol far risair al Beneficio del 1117 dove che Papa Alessandro III trasforma in Sposaissio de Venessia col Mar un rito propissiatorio marin, ceebrà dal Vescovo de Castelo (Olivolo) fin da l´ano 1000 nel giorno de la Sensa.

Da chea volta el Bucintoro sé stà ricostruio de media na volta ogni sento ani, cambiando la grandessa, el numero de remadori e el sfarso decorativo a seconda del Dose in carica.
Gera donca un´imbarcassion de rapresentansa, indove che el Dose ceebrava feste reigiose e riceveva Cai de Stato e Imperadori foresti.

Vera e propria règia gaegiante, el Bucintoro contava do ponti, queo inferior adibio ai remadori e queo superior, riservà al Dose col so seguito e ai insigni Ospiti col suo, che ofriva un salon longo i tre quarti de tuta la nave più na stansa granda a uso esclusivo del Dose.

Sul Bucintoro costruio nel 1728 la spenta gera asicurada da 168 Arsenaloti (Maestranse de l´Arsenal) che a banchi de quattro manovrava 42 remi da 11 metri. Sto modelo gera na nave longa presapoco 50 metri fora tuto e larga fora tuto sirca 10 metri, che pescava un metro e meso.
A prova na scultura de egno dorà figurava Venessia in veste de Giustissia, co spada e balansa. Diversamente dae poene, questa gera messa sora la base del bompresso, che su la sima gaveva el Leon de San Marco. Da pope na tarasseta a pulpito da dove che el Dose butava l´aneo ne la festa soene del Sposaissio col Mar.

El Bucintoro del 1728, varà el 12 de gennaro, sé stà el più imponente e el più tragico: l´avidità dee trupe napoleoniche, dopo aver fato botin de tute e so decorassion, lo gà brusà par ricavar l´oro e l´argento dee doradure sul scafo.

Ai giorni nostri no sé raro sentir e eser el nome Bucintoro atribuio par sbaglio a na imbarcassion del Corteo Storico: la Bissona Serenissima.

Se parla d´altro canto da tempo in cità de na ricostrussion fedel del sfarsosissimo modeo del 1728. Queo che si dise: "No imparar dai propri erori".

TOP - INDICE