Novembre 2017
1 2 3 4 5 6
7 8 9 10 11 12
13 14 15 16 17 18
19 20 21 22 23 24
25 26 27 28 29 30
31      

Testo italiano English Text

Barche Venessiane e Lagunari

INDICE
Venessia ObServer: Impato del Trafico d Navi Grande sul Porto Storico de Venezia
Gondoin
El Gondoin

El gondoin ai giorni nostri sé na variante tensostruturada più isiera e veoce de la gondola, ma nea version arcaica el pol esser considerà so progenitor.
El gera usà anticamente par i freschi in laguna nee sere afose d´istà, e se ga assai trasformà nel corso dei secoi. Bassa e fiante, sta barca permeteva ai vogadori de navigar su qualsiasi percorso lagunar prima de l´agravarse del moto ondoso causà dae imbarcassion a motor.

Nel 1825 el gondoin sé stà introdoto come principal atrassion nee gare de la Regata Storica, e ancuo vien usà solamente par sto scopo.
L´uso in condission specifiche come quee de gara gà fato sì che la so forma se evolvesse in senso oposto a quea de la gondola: intanto che ea sempre più deventa asimetrica e rialsada par fasiitar el lavoro del gondolier singolo fronte a na quotidianità de onde sempre più agressive, el gondoin se fà più basso e simetrico, par sfrutar al massimo l´aqua piata del campo de gara e i do vogadori.

El gondoin sé defati considerà la "Formula Uno" dee barche lagunari e la gara su sta barca sé el mejo toco de la Regata Storica, e queo che decreta i veri campioni del remo. A diferensa dee regate su gondole, basae sula potensa dei vogadori, quee dei gondoini mete in risalto e tecniche de voga e l´afiatamento dei equipagi, parché la barca sé sensibiissima ala quaità tecnica de la vogada.

E misure del gondoin sé m. 10,50 de longhessa fora tuto, m. 1,10 de larghessa, m. 0,65 de larghessa del fondo e solo 36/38 cm. de altessa a mesa barca. El lai (fiancada) destro sé un poco più alto del sinistro, e in corispondensa de la forcola de prova el presenta un arco rialsà che se ciama "cavalo", dove che el provier (vogador de prova) pusa el senocio destro par aver più equiibrio nea premada (vedi anca voga veneta).

 



TOP - INDICE